Bengaluru hospital pakhatah kangmei chhuak

Bengaluru Ramaiah Hospital-ah kangmei chhuakin, thi leh hliam erawh an awm lo niin sawi a ni.
Ningani chawhnu lam khan kangmei hi chhuakin, Critical Care Unit (CCU) atanga chhuak nia hriat a ni a. Kangmei vang hian boral an awm thu hriat ni lovin, damlo enkawl zual ngai 12 te chu hmun him lamah dah nghal an ni a, midang erawh hliam na an awm hman lo nia hriat a ni.
Kangmei chhuak hi hriat a nih veleh a theih anga kangthelh hna thawh nghal niin, fire motor pathum hmangin thelh nghal a ni a, hun rei lote chhunga thelhfel theih a nih thu damdawiin thuneitute chuan an sawi.
He damdawi thuneitute chuan thuchhuah siam nghalin, kangmei vanga damlo nunna chan an awm lo chu lawmawm an tih thu an sawi a, thil thleng palh liau liau a ni, tiin. Fimkhur lehzual an tum thu an sawi. An hospital pawh uluk lehzuala chei that leh hlauhawm deuh lai awm palh theih chhuichian nghal a nih tur thu an sawi bawk.