Best Homestay-ah Zosang Homestay Homestay kalpui uar ang – Minister

Best Homestay-ah Zosang Homestay
Homestay kalpui uar ang – Minister
Tourism department-in Aizawla khualzin dawnsawn leh buaipui lama titha a thlannaah Best Homestay-ah Zosang Homestay Zotlang thlan a ni a; ‘Best Restaurant; La Ruby, Falkland thlan a ni.
World Tourism Day tum 44-na chu Ningani khan Aizawlah hman a ni. Hmanpuitu Tourism minister Lalrinpuii chuan MLA-te chu an bial tinah khualzinte hip nan homestay kalpui uar zel turin a chah a. SASCI hnuaia tourism ruhrel siamna kawnga hma lak mek zel a ni, tiin, kan hnam ziarang kan nunphung leh hnam chin than zahpui loa, uar taka khawvel hmuha phochhuah a ngai tih a sawi.
Kan ramah paragliding pilot thahnem tak leh naupang kum 11 mi pilot qualified kan nei thei chu lawmawm a tih thu a sawi a. Khualzinte hip nan paragliding lam tihhmasawn tumin a department enkawl chuan hma a lak mek tih a sawi a ni.
Khualzinte chu thliarhrang lo leh tumah enhrang loa, kan sum hnar eizawnna min siamsaktu an nih angin hawihhawm leh kawm nuam takin kan ram rawn tlawhtute lo hmachhawn thin turin minister hian a chah bawk.
Nikum lamah Reiek khua-in Best Tourism Village a dawng tawh lawmawm tiin, kuminah Sialsuk khua-in a dawng chu a lawmpui tih a sawi a ni.
Kumin World Tourism Day thupui hi ‘Tourism and Peace’ a ni a. MLA paruk – Champhai North bialtu Er H Ginzalal (Hnahlan), East Tuipui bialtu Ramthanmawia (Farkawn), South Tuipui bialtu Jeje Lalpekhlua (South Lungleng), Lunglei South bialtu Lalramliana (Mamte), Thorang bialtu Er R Rohmingliana (Tuikawi) leh West Tuipui bialtu Prova Chakma (Tlabung) ten ‘Adopt Tourism Village’ atana an khaw thlan chhan an sawifiah a. Tourism minister pawhin Adopt Tourism Village atan Ralvawng khua a thlan chhan a sawi bawk.

Tourism department-in category 12-a Tourism Excellence Award a hlan te:
Best Hotel – Hotel Regency Zarkawt
Best Homestay – Zosang Homestay Zotlang
Best Restaurant – La Ruby Falkland
Best Tour Guide – C Lalrinhlua Electric Veng
Best Tour Operator – Riahrun Tours Chaltlang
Best Travel Agent – D&L Travels Chanmari
Best Stand Alone – Hmingliani Catering Mission Vengthlang
Catering
Best Yuva Tourism – Govt. Central HSS College Veng
Club
Best Tourism Promoter – Zira PC Thenzawl
Best City Bus – Vanlalhriatpuia (driver), Lalhunliana (conductor) MZ01 T 3333
Best Taxi – Alex Laldinthara, MZ01 N 2948 Chanmari Stand
Best Two Wheeler – C Vanlalruata ATWTA ID-348
Taxi