BESY Choir video thar

Mizoram zaipawl lar BESY Choir-in tun hnaiah music video thar an nei a, youtube lamah a en theih tawh e.
He video thar hi February ni 16 zan khan BSI Hall-ah Rev Remlalfaka, Auxiliary secretary-in a tlangzarh a, youtube lama en theih turin dah nghal a ni.
He video-ah hian ‘Aw Isua ka hmangaih’ tih hla, Upa C Vanlalvuana lehlin an sa a, sap hla ‘How I love Jesus’ tih lehlin, hla lar a ni.
Bible House-a Mary Jones studio-a a hla hi an record a, video hi GreenRocketTV te’n an siam.
Tuna BESY Choir kal lai hi 2025-27 term-a mite an ni a, an term chhunga music video an siam vawi hnihna a ni. Bible Society zaipawlah hian kohhran pawl hrang hranga mite an kalkhawm thin.