Bial mipui bumnaah phat mawi tum lo turin MNF-in thurawn pe

Bial mipui bumnaah phat mawi
tum lo turin MNF-in thurawn pe
MNF party chuan ZPM leader Lalduhoma chu a bial mipui hmaa thu a tiamte tihlawhtling loa a bumnaah phat mawina zawng lo tur leh awihawm taka dawt sawi thin sim turin thurawn an pe tih an sawi.
MNF Media & Publicity hruaitute sawi danin, Serchhip bial by election campaign-naah ZPM candidate Lalduhoma hian Thenzawl mipui tan kawng hrang hranga hmalakna tur intiamin, MLA-a thlantlin a nih tak hnuah a intiamna tihlawhtling tura hma lak engmah nei loin a ngawihsan hmiah tih an sawi.
ZPM leader intiamna hrang hrang chu a hlawhtling em, tih an zirchian thu sawiin, “Handloom chungchangah private company leh government organisation dawr fel tawh anga a sawi chu tun thlengin inremna ziahpui a nei loa, Thenzawlin college a neih theih nana hma lak a intiamna chu tun thlengin a la hlawhtling lo,” an ti.
Thenzawl tui lakna pakhat, Vanva Dam pawh enkawl tha turin intiam mah se, hmalakna engmah ala awm lo tih MNF hian an sawi a. Thenzawl damdawi in tan MLA fund atanga ultrasound leisak a tumte, Lau luia sangha dah a, Sangha Kut hman tura a sawite chu hmalakna a la nei lo niin an sawi bawk.