Bialpa te laka zep chi

Bialpa te laka zep chi
Inngaihzawnnaah hian inrintawnna a pawimawh a, chutih rualin kan inrintawnnaah hian ramri kham chin kan neih thiam erawh a pawimawh khawp mai.
Engkim inhre pawh tawna awm hi a nuam a, chutih rualin ‘engkim’ tihah hian zep then chin neih thiam a tul a, mahni chauha hriat reuh reuh chi, bialpa te hrilh ve loh atana tha zawk a awm niin relationship lama mithiam ten an sawi te kan rawn tarlang e.
1. I thiannu thuruk chu i bialpa hnenah sawi chhuak miah suh. I thian chuan a ringtawk che a, a thuruk a hrilh che a, chu chu i zêp theih a beisei. Chuvangin i thiannu thuruk chu i bialpa i hrilh tur a ni lo, i thiannu nena in inrintawnna kha i tichhe palh ang e. Bakah, mipain hmeichhe thuruk tih vel hi an hrethiam ve tak tak chuang lo a, hrilh loh kha a tha ber.
2. I password reng reng i hrilh tur a ni lo. I bialpa chu i hmangaih viau a, i ringngam a nih pawhin engtilah pawh i password chu i hrilh tur a ni lo va, chutiangin nang pawhin a password hriat i tum bik tur a ni lo. Bialpa te hnena password hrilh hi inthen hnua inchhirna thlentu a ni duh teh mai a nia.
3. A chhungte i ngainat loh thu pawh hrilh loh a fuh zawk ang. I bialpa chhungte, a bikin a nu leh a farnu te i ngaina lo a nih chuan nangmaha hriat mai mai chi a ni a, i bialpa emaw a thiante emaw i thiante emaw pawh i hrilh loh a tha zawk. Bialpa te nu leh farnu te ngeih lutuk loh hi hmeichhe tan thil thar pawh a ni lo. I hrilh khan in pahniha inkar a tichhe mai mai zawk ang.
4. I hun kaltawh te chipchiar lutuka hrilh a tul lo. I ngaihzawng hlui te hming leh, engzat nge i neih tawh tih te chu zêp vang vang chi. Hetiang thil i zêp hian i bum tihnaah inngai duh su, tul loa buaina thleng thei lakah i inveng lawk tihna a ni zawk.