Bilkhawthlir North leh South Village Council huamchhunga Manipur atanga sahimna zawnga raltlante dahkhawmna, Relief Camp chu Ningani khan Central YMA hruaituten tlawhin, thilpek an hlan.
Central YMA asst. secretary Lalsawmliana chuan raltlan zawng zawng tlawh thei rih lo mah se, relief camp-a awm bik chu inthendarhin tlawhchhuah an tum tih a sawi a. Unau harsatna tawkte an tuarpui thu sawiin, khawtlang tana hnawksaka awm lo tur leh khawtlang tan mi tangkai ni tura a beisei thu a sawi. Harsatna an nei a nih chuan theihtawp an chhuah zel tur thu a sawi bawk.
Central YMA hian raltlante he hmuna awmte tan buhfai bag 100 leina tur Sub-Hqrs YMA Kolasib kutah an dah a. Kharzawla relief camp tan Rs. 15000 an pe nghal a ni.
YMA Kharzawl Branch hruaitute sawi danin, Bilkhawthlirah hian May 9 atang khan Manipur atanga raltlan an rawn thleng tan a, tunah Kharzawl Relief Camp-ah hian chhungkaw 12, member 44 an awm. Relief Camp-a awmlo, chhungte bel chhungkua 13, member 68 an awm bawk. Bilkhawthlir South Relief Camp-ah 37 an awm mek a, chhungte bela awm mi 18 an awm a ni.
Bilkhawthlir Relief Camp tlawh
Get real time updates directly on you device, subscribe now.
Prev Post
Next Post