Billboard 200-ah Blink-182 reunion album ‘One More Time’ a No.1

Last updated Oct 31, 2023 10 0

Billboard 200-ah Blink-182 reunion album ‘One More Time’ a No.1
Blink-182 album thar ‘One More Time’ chu Billboard 200 (albums) chart No.1-ah a debut a, he chart-a No.1 kai thei album pathum an nei tling ta a, hetihrual hian The Rolling Stones album thar, 2005 hnua hla thar hlang album an tlangzarh leh hmasak ber ‘Hackney Diamonds’ chu top three-ah a debut bawk.
Billboard 200 chart hi kar khat chhunga US-a album hralh tam dan atanga tehin chart ranking siam thin a ni a, album hralh zat chhut nan hian album tak tak hralhna bakah streaming atanga album hralhna tlukpui leh album-a hla mal hralhna atanga album tlukpui te belhkhawm thin a ni.
Blink-182 album thar hi kar khat chhungin 1,25,000 an hralh a, chung zinga 1,01,000 chu album tak tak hralhna niin, streaming atangin 23,000 (on-demand official stream maktaduai30.19) a tling a, album-a hla mal hralhna atangin 1,000 a tling thei bawk.
One More Time hi Blink-182 lineup drummer Travis Barker, vocalist/bassist Mark Hoppus leh guitarist/vocalist Tom DeLonge anga rei tak hnua album an tlangzarh leh hmasak ber a ni a, DeLonge hian 2015 khan group an chhuahsan a, kum sarih hnuah album an khawrpum leh ta a, he album hi 2012-a an album ‘Dogs Eating Dogs’ hnua album an tlangzarh leh hmasa ber a ni.
Chart No.1 hlui Drake ‘For All the Dogs’ chu 1,20,000 hralh lehin No.2-ah bawk a la awm.
The Rolling Stones album thar ‘Hackney Diamonds’ chu 1,01,000 hralhin No.3-ah a debut a, 2005-a an album ‘A Bigger Bang’ hnua an hla thar album tlangzarh leh hmasak ber a ni a, he chart top 10-a an album lang thei 38-na niin, chart top 10-a lang thei album ngah ber an nihna an sawh nghet leh ta sauh a ni. He album-ah hian Lady Gaga, Elton John, Paul McCartney leh Stevie Wonder an thawhpuina hla te pawh a tel.
Kar kalta chart No.1 Bad Bunny ‘Nadie Sabe Lo Que Va a Pasar Mañana’ chu 97,000 hralh lehin No.1 atangin No.4-ah a tawlh ve ta bawk. Chart top 10-a lang album dang pawh chart No.1 hlui vek an ni a, Morgan Wallen ‘One Thing at a Time’ chu 69,000 hralh lehin No.6 atangin No.5-ah a insawn thar leh a, Taylor Swift ‘Midnights’ chu 52,000 hralh lehin No.9 atangin No.6-ah a insawn a, Swift album dang ‘Lover’ chu 52,000 tling lo deuh hralh lehin No.8 atangin No.7-ah a insawn a, Zach Bryan self-titled album chu 51,000 hralh lehin No.4 atangin No.8-ah a tawlh a, Rod Wave ‘Nostalgia’ chu 51,000 tling lo deuh hralh lehin No.7 atangin No.9-ah a tawlh a, Olivia Rodrigo ‘Guts’ chu 45,000 hralh lehin No.10-ah bawk a la awm.