Billboard Global 200-ah “Golden” a No.1

On Dec 11, 2025 12 0

Billboard Global 200-ah “Golden” a No.1
KPop Demon Hunters soundtrack, HUNTRIX “Golden” chu Billboard Global 200 chart-ah a No.1 a, he chart-ah hian a zawn lovin kar 18 a No.1 tling ta, HUNTRIX tana aw thawhtu EJAE, Audrey Nuna leh REI AMI te hian he chart-a No.1 nih reiah Lady Gaga leh Bruno Mars “Die With a Smile” nih rualin, he chart-a No.1 ni rei thei ber dawttu an ni ta. He chart-a No.1 ni rei thei ber chu Mariah Carey “All I Want for Christmas Is You” niin, kar 19 a No.1 thei.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang hrang 200 chuanga official-only stream (subscription leh ad-supported audio leh video music services) leh download sales te chu tehna pawimawh a ni.
HUNTRIX “Golden” hian kar khat chhungin stream maktaduai 94.5 leh sales 10,000 a la nei thei a, hei hi a kar 18 nan chart-ah an No.1 pui leh ta a ni.
He chart-a No.1 ni rei thei ber, Maria Carey Krismas lengzem hla chuai thei lo “All I Want for Christmas Is You” chu No.3 atangin No.2 a kai thar leh ta a, karleh chart-ah chuan No.1 a kai leh thei tawh ngeiin a rinawm.
Chart No.1 hlui, Taylor Swift “The Fate of Ophelia” chu No.1 atangin No.3-ah a tawlh ve ta bawk.
Tunkar chart top 10-ah hian Krismas lam hawi hla dang panga a langtel a, Wham! “Last Christmas” chu No.6 atangin No.4-ah a insawn a, Brenda Lee “Rockin’ Around the Christmas Tree” chu No.10 atangin No.5-ah a invawrh a, Bobby Helms “Jingle Bell Rock” chu No.11 atangin No.6-ah a invawrh a, Ariana Grande “Santa Tell Me” chu No.15 atangin No.7 a kai a, Kelly Clarkson “Underneath the Tree” chu No.18 atangin No.10-ah a invawrh lut ve leh ta bawk.
Billboard Global 200
Top 10:
1 Golden – HUNTR/X: EJAE, Audrey Nuna & REI AMI
2 All I Want For Christmas Is You – Mariah Carey
3 The Fate Of Ophelia – Taylor Swift
4 Last Christmas – Wham!
5 Rockin’ Around The Christmas Tree – Brenda Lee
6 Jingle Bell Rock – Bobby Helms
7 Santa Tell Me – Ariana Grande
8 Ordinary – Alex Warren
9 Man I Need – Olivia Dean
10 Underneath The Tree – Kelly Clarkson