Billboard Global chart-ah Justin Bieber leh Nicki Minaj an lar ber

Billboard Global chart-ah Justin Bieber leh Nicki Minaj an lar ber
Justin Bieber ‘Beauty and a Beat’ featuring Nicki Minaj chu Billboard Global 200 chart-ah a No.1 a, he chart-ah hian kar hnih a No.1-na a ni ta. Hetihrual hian Michael Jackson hla hlui pahnih ‘Billie Jean’ leh ‘Beat It’ te pawh top 10-ah an lang.
Billboard Global 200 chart hi kar khat chhunga khawvel huapa hla lar dan tehna niin, chart ranking siam nan hian ram hrang rang 200 chuanga official-only streams (paid leh ad-supported audio leh video music services) bakah download sales te chu tehnan hman thin a ni.
Justin Bieber ‘Beauty and a Beat’ featuring Nicki Minaj hian kar khat chhungin stream maktaduai 59.2 leh download sales 2,000 nei lehin, a kar hnih nan chart-ah a No.1 pui leh ta a ni. Bieber hi April ni 11 leh ni 18 khan Coachella Valley Music and Arts Festival, Indio, California-a neihah perform-in, ‘Beauty and a Beat’ pawh hi heng zah hnihah hian a sa ve ve a, Coachella a perform hnuah a hla te a lar thar leh ta a ni.
Chart No.1 hlui BTS ‘Swim’ chu No.2-ah bawk a la awm.
Hetihrual hian Michael Jackson biopic “Michael” cinema hall-a an tihchhuah hnuah Michael Jackson hla hlui te a lar thar leh ta hle a, ‘Billie Jean’ chu No.8 atangin No.4-ah a insawn a, ‘Beat It’ pawh No.16 atangin No.7-ah a invawrh ve ta bawk. ‘Billie Jean’ hian kar khat chhungin stream maktaduai 48.1 a nei thei a, ‘Billie Jean’ pawhin stream maktaduai 36.9 a nei pha bawk. Heng hla pahnih te hi 1983-a a tlangzarh tawh kha niin, Billboard Hot 100 (US singles) chart-ah te pawh No.1 an lo ni ve ve tawh a, a pahnih hian a album hit zet mai ‘Thriller’ ami an ni bawk. He chart hi 2020 September atanga an tih tan chauh a nih avangin heng hla pahnih chiah hi he chart top 10-a MJ hla lang thei awm chhun an la ni.
Tame Impala leh JENNIE “Dracula” pawh No.4-ah bawk a la awm a, chart No.1 hlui Olivia Rodrigo ‘Drop Dead’ chu No.3 atangin No.5-ah a tawlh ta bawk.
Billboard Global 200 Top 10:
1 Beauty And A Beat – Justin Bieber Featuring Nicki Minaj
2 Swim – BTS
3 Billie Jean – Michael Jackson
4 Dracula – Tame Impala & JENNIE
5 Drop Dead – Olivia Rodrigo
6 Choosin’ Texas – Ella Langley
7 Beat It – Michael Jackson
8 Babydoll – Dominic Fike
9 Man I Need – Olivia Dean
10 Ordinary – Alex Warren