Billboard Latin Women in Music 2024-ah Karol G-i’n Woman of the Year Award dawng

An rama Pathianni zan, keini tana Thawhtanni tuk khan Billboard Latin Women in Music gala an tichhuak ta a, Colombian singer Karol G chuan Woman of the Year Award a dawng. Mahse, Karol G hi Mañana Será Bonito European tour a neih lai a nih avangin award dawng turin a inlan thei lo va, video hmangin a lawmthu sawina an tichhuak.
Karol G video an play hmain, a pa, Guillermo Giraldo, aka Papa G chu stage-ah inlanin, a fanu chungcang thu tawi a sawi a, “Inzavaiin chibai ule. Leila (Cobo), Cisco (Suarez) leh Telemundo thlengin hmeichhe naupang kum pakhat, kum nga mi lek a nih laia zaithiam lar lutuk pawh ni lo backup vocals anga zai ve mai mai thin tana kawng inlo hawn sak avangin kan va lawm tak em,” tiin, chu zaithiam lar vak lo a tih chu amah, Papa G a insawina a ni.
“Vawiinah chuan hei le chawimawina ropui tak Woman of the Year te kan dawn tak hi. Ama (Karol) a rawn tel thei lo hi pawi kan ti, Zurich lama world tour neia a awm lai a ni si a. Mahse, milar tam tak, mi ropui leh talent nei tha tak tak, rimawi khawvel al hneh em em tute hual vela ka awm ve thei erawh hi chu ka hlim hle mai. Fans, leh team tha tak te avang chauha he ni duhawm hi lawm thei kan nih avangin inzavaia chungah kan lawm takzet a ni,” a ti bawk.