Billie Eilish ‘Bad Guy’-in RIAA Diamond Certification a dawng

Billie hla Billboard Hot 100 (singles) chart-a No.1 kai thei awm chhun la ni rih ‘Bad Guy’ chu Recording Industry Association of America chawimawina sang diamond certified single a ni ta. Billie Eilish hian July ni 31 khan Instagram-ah 2019-a a hla hit ‘Bad Guy’-in RIAA chawimawina sang a sawn avanga lawmthu sawina te pawh a post nghal a, “Bad Guy a diamond ta….Huuuuhhhh???” a ti a, he hla music video-a a inthuamna, thawm eng (yellow) suit a inbelna thlalak a post tel a, “He hla te reuh avang hian ka va lawm kher ve le,” a ti bawk.
He hla hi a u, Finneas produce a ni a, ani pawhin Eilish-i post hi a post chhawng ve leh a, “Hei zet chu a turu ve chiang a ni,” a ti.
RIAA diamond certification hi hla (singles) emaw album emaw US-a maktaduai 10 hralh tlin theih hnenah an hlan thin a ni.
Bad Guy hi Billie Eilish hlaah chuan a hlawhtlinpui ber a la ni rih a, August 2019 khan Billboard Hot 100 (singles) chart-ah No.1 a kai am, chart-ah hian kar 49 chhung a lang zui nghe nghe a ni. A hla hi Billie Eilish debut album ‘When We All Fall Asleep, Where Do We Go?’ tih atanga a single pangana a ni a, a album pawh hi Billboard 200 (albums) chart-ah No.1 a kai. 2020 khan Elish khan Grammy-ah Big Four category a dawng vek a, ‘Bad Guy’ hla avangin record of the year leh song of the year a dawn bakah album of the year leh best new artist a dawng a ni.