Billie Eilish-i’n social media app a phone a\angin a delete vek

Billie Eilish-i’n social media app a phone atangin a delete vek
Billie Eilish chuan a phone atangin social media app zawng zawng a elete vek a, “Internet-a ka thil chhiar te hi ka awih leh mai thin a,” tiin Conan O’Brien Needs A Friends: Musician Series-ah a sawi a, internet chu a thanlen pui a ni a, mahse, tunah chuan hlatsan rih a thlang ta zawk niin a sawi bawk.
Billie Eilish chuan, “Ka en ngai tawh lo. Ka phone atangin ka delete velk a, chu chu ka tan chuan thil harsa ve tak a ni,” a ti a, naupan laia internet khawih nasa, thian pawh kawm hman mang lo a mahnia inawm tlei, computer leh computer game-in a chawm len a ni a, mahse, a tleirawl tan a, chutah chuan a internet khawih dan chu a danglam tan niin a sawi a, “Kan tleirawl a, internet-ah mi chi hrang hrang an tam a, keipawh chung zinga pakhat chu ka ni ve,” a ti.
Kum 21 a tlin chuan internet-a a thil en te chu ama video leh chanchin te a tam ta hle mai a, chu chu a duh zawng a ni ta lo. Internet-a a chanchin miin an sawi te chu thudik lo tak tak a tam hle mai a, Grammy pawh pasarih dawng tawh Billie chuan, “Internet-a ka thil chhiar le hmuh te chu ka awih tlat zel thin a. Tichuan, chutiang chu thil atthlak tak a ni tih ka hrechhuak ta a. A engmah hi thudik tak tak a lo awm meuh lo chu a ni. Mitin thluakah hian dawt var tlem hi a inkhung vek a ni mai awm e, keimah ngei pawhin kan awih ve leh zel a. Internet-a ka thil chhiarah hian dawt engzat nge awm le?” a ti bawk.