Karliamta khan Eu-rope hmun hrang hrang-ah Wimbledon inbuat-saihna tournament an khel a, Birmingham khaw-puiah chuan hmeichhe singles final-ah Latvia player Jelena Ostapenko a champion a, final-a a khingpui Barbora Krejci-kova lakah 7-6 (10-8) 6-4 hnehna a chang.
A career-a grass-court title pahnihna sualchhuak ve chiah Ostapenko tan tun kha title paruk a lakna niin, Pathianni final kha top seed pahnih inbeihna a ni a, seed sang ber luahtu lakah second seed Ostapenko a dingchang ta zawk a ni.
Kum 26 mi Ostapen-ko hian straight-sets hmanga 2021 French Open champion Krejci-kova a hneh hma zawng khan tournament a hma-chhawn chhungin a match khelh hmasak dang zawng zawngah hnehna chang turin set thum zel khelh a ma-mawh a, final ber erawh a awlsam ta phian a ni.
Kum 2017-a Roland Garros title lo hlawh-chhuak ve tawh Osta-penko hi Australian Open quarter-finalist pawh lo ni ve tawhin, a \umkhat-na’na grass chunga final khel ve chiah Krejcikova lakah a chungnunna a lantir thei a; final a khelh hma zawnga set khat mah hloh lo Krejcikova chuan a tum ber grass title sualchhuak zo lo mah se nimina WTA ranking thar tarchhuahah nikum hnu lama a vawikhatna atan top 10 hmun a luahkir.
Kum 2021-a Wim-bledon inbuatsaihna tournament lian East-bourne title la ve tawh bawk Ostapenko hi karleh a\anga khelh \an tur Wimbledon lamah pawh thleng sang pawl tura beisei a ni a, kum 2018 khan All England Club-ah semi-final a lo thleng ve tawh bawk a ni.
Birmingham hnehtu Ostapenko
Get real time updates directly on you device, subscribe now.
Prev Post
Next Post