“BJP-in AAP nuaichimih tum”

Delhi Chief Minister Arvind Kejriwal chuan Bhartiya Janata Party (BJP)te chuan campaign “Operation Jhaadu” tih chu Aam Aadmi Party te lakah an kalpui mek a, a chhan ber pawh anmahni chotua an ngaih vang a ni tiin a sawi.
Party workers leh leaders te hmaa thusawina a neihah Kejriwal chuan chona nasa tak an hmachhawn zui dawn tia sawiin inpuahchah tha turin a ngen a.
“BJP te hian ‘Operation Jhaadu’ kalpui mekin AAP te chu nuaichimih tumin hruaitu lawkte manin party bank account khawih chet theih loha siamin party office te rauhsan tir an tum a ni,” tiin a sawi a. “BJP HQ panin kawng kan zawh ang a, MLA tin te an tel vek ang a, darkar chanve police ten an man theih nan kan awm ang,” a ti bawk.
“Prime Minister Narendra Modi hian AAP sang zel a hlauthawng a ni. AAP chu a lian chak lutuk a. Chuvangin tihchhiat nan Operation Jhaadu an kalpui mek a ni. Hun rei lo teah kan account khawih chet theih lohin a awm ang a, kan office pawh min chhuhsak ang a, kawngpui kamah kan la awm a ngai ang,” tiin a sawi bawk.
“Hma lamah chona nasa tak a awm dawn a, inralring ang che u. Kan hriatreng tur chu tun hma pawhin harsatna tam tak kan tawk tawh. Lord hanuman leh Pathian malsawmna kan dawng a, chuti ni lo se chuan kan damchhuak lovang. Thudik kawng kan zawh tlat ang a, society tan kan thawk duh a ni,” tiin a sawi.

Get real time updates directly on you device, subscribe now.

Leave A Reply

Your email address will not be published.

This website uses cookies to improve your experience. We'll assume you're ok with this, but you can opt-out if you wish. Accept Read More