BJP-in Chinese a mikhual, Congress-in na takin an bei zui

Last updated Jan 14, 2026 2 0

neih hnu lawkah politic-a inbeihna thar a chhuak lehnghal a. Beijing-in Jammu & Kashmir-a Shaksgam Valley-a hmalakna a nei mek nia sawi awm mek laia rorel lai party-in China mikhual a chu Congress-in na takin an bei zui.
Congress hruaitu, Supriya Shrinate-i chuan New Delhi-a BJP hruaitu lawkte leh Chinese Communist Party (CCP) aiawhte an inkawm hnu lawkah sawiselna a tichhuak nghal a. China-in India ram chin neih tuma hma a lak mek laiin khawpui berah politic-a insuihzawmna siam mek a ni tih a sawi.
“China-in Shaksgam Valley, Jammu & Kashmir chu an ramah a chhal mek a. Ni eng emaw zat liam ta atangin CPEC hming vuahin in a sa char char tawh a ni. Ladakh hnuah China hian eng angin hma a lak zel dawn tih chu hetah hian a lang chiang a ni lo’m ni?” tiin Shrinate-i hian X-ah a tar lang a. “China hian hetiang tak hian mi a zuam a, chutih mek laiin BJP hruaituten China-a Communist Party hruaitute a lo mikhual mek lawi si,” a ti bawk.
Ramria ram inchuhna boruak sosang tak a awm mek laiin BJP-in CCP an lo mikhualchu Shrinate-i hian a bei nasa hle a. “BJP pisaa mi thlalak a ni a. BJP hruaitute leh China-a Communist Party hruaitute an inkawm a ni. China hian Operation Sindoor lai khan Pakistan a thlawp a. Kan sipai huaisente Galwan-ah an martar a. China hian Ladakh min chuhin an awmchilh a. Arunachal Pradesh-ah khua an din a. Hetah lah inlawm takin an lo inkuah mek si,” a ti.
Congress hruaitu hian chanchinbu mite pawh an ngawi tlat chu a dem a. “Engvangin nge BJP-in hetiang a ti hi zawhna pakhat mah a awm loh theih? He inkungkaihna hi engtia sawi tur nge? Engvangin nge BJP hian ram phatsana a chet tak? Eng inremna nge a rukin BJP leh China hian an siam?” a ti bawk.
BJP erawh chuan CCP aiawhte a mikhual hi party chhung thil inbiakna mai a nih thu a sawi thung a. Party Foreign Affairs Department incharge Vijay Chauthaiwale-a pawhin CCP aiawhten an party hmunpui an tlawh hi a pha lo bawk.
“Communist Party of China aiawhten vawiin khan Central Committee-a International Department Vice Minister HE Sun Haiyan-i kaihhruaiin BJP hmunpui ber an rawn tlawh,” tiin Chauthaiwale-a hian X-ah a tar lang a. Party pahnih indawrna leh inbiakna thil eng eng emaw an sawiho tih a sawi a, “India-a Chinese Ambassador HE Xu Feihong pawhin a rawn zui a ni,” a ti.
India-China hi inthenawm, ram inngeih lo tak ni reng an ni a, tuna thil thleng hian tun hma lama an inkara inremna lo awm tawhte pawh a tithar leh a. Kum 2020 khan BJP National President JP Nadda-a chuan Congress demin CCP nen kum 2008-a Memorandum of Understanding (MoU) an ziah chhan a lo zawt tawh.
“A hmain Congress-in Chinese Communist Party hi MoU a ziahpui a. Congress khan China kutah ram a hlan der tawh a. Doklam-a buaina a awm lai khan Rahul Gandhi-a pawh a rukin Chinese embassy-ah a kal a. Hun khirh tak a nih lai khan Rahul Gandhi-a khan ram hi thena sipaite pawh tiphur lo zawnga chet a tum a ni,” tiin Nadda-a hian khatih lai khan a lo sawi tawh a ni.