BJP-in Congress ni lo thawhpui thei dawn

BJP chuan Congress party tih loh political party dang an thawhpui thei vek tih an party thupuangtu M Kikon chuan a sawi.
Thuthar thehdarhtute zawhna a chhannaah M Kikon chuan Mizoram inthlanah BJP chu sawrkarnaa tel ngei an tum a, an thawhpui tur an la sawi theih loh laiin, Congress party tih loh chu sawrkarna siam tura an thawhpui theih tur thu a sawi.
Aizawl thutchilh mek BJP national spokesperson hian inthlana BJP ticket-a ding tur Central Parliamentary Board-in a relte chu ni thum ral hma in puan an nih tur thu a sawi a. Hemi hma chuan an seat chuh tur zat leh dinna bial tur sawi a la rem lo, tiin, MNF party atanga an lawmluh Assembly speaker hlui Lalrinliana Sailo chu BJP Mizoram State Election Management Committee chairman-ah an ruat tih a sawi.
Prime minister Narendra Modi leh Union Home minister Amit Shah bakah an party hruaitu dangte chu inthlan campaign-a an kal dan tur ruahman thin a nih angin, Mizorama rawn kal tur pawh duan lawk a nih tawh thu a sawi a ni.