BJP-in lawmthu an sawi

BJP Mizoram chuan Aizawl Municipal Corporation inthlan tluang taka zawh a ni chu lawmawm an tih thu an sawi a. Aizawl tha lehzual beiseia BJP candidate vote-tute chungah lawmthu sawiin, vote thlak chu India khua leh tui nihnaa kan chanvo pawimawh a nih avangin vote hi thlak ngei ngei tur kan ni tih an sawi.
BJP Mizoram thuchhuak chuan, mipuiin vote thlak kan uar sawtin, politics-in a nghawng phak loh pakhat mah an awm lo tih a sawi a. Inthlan chu kan hmalam hun thui tak hriltu a nih avangin politics ruihchilh bansan a, rilru fim tak nen vote kan thlak a hun ta hle tih a sawi.
‘Mahni intodelh lo leh thawhchhuah mumal nei lo state kan nih avangin, kan khawsak pawh a harsa hle a, rethei leh hausa kar zau ta lutukte a reh theihnan kan ram enkawl tura kan thlan turah ngun taka ngaihtuahna seng turin Zoram mipui kan sawm a ni,’ a ti.