BJP sorkar chuan UCC kalpui ang : Shah

Union Home Minister Amit Shah chuan BJP ten thuneihna an chang leh a nih chuan ram pumah Uniform Civil Code (UCC) kum nga chhungin hman a ni ang a ti.
PTI ten an kawmnaah Shah chuan Modi sorkar thar a piang leh a nih chuan ram pumah ‘One Nation, One Election’ kalpui a ni ang a ti bawk a. A ruala inthlanna neih chuan inthlan senso a tihniam duai dawn a ni a ti.
Inthlanpui chu khawlum lutuk loh lai thlasik laia neih tumna a awm em tia zawhna pawh Shah chuan, “Kan ngaihtuah ang chu. Inthlan kan sawn hma theih chuan a theih a ni mai a, tih ngei tum pawh a ni ang a. Thlasik lai chu zirlaite pawhin chawlh an hman lai a ni a, harsatna tam tak awm theih lai a ni bawk. Hun kal zelah Lok Sabha inthlan chu nipui laia neih a nih phah ni” tiin a sawi.
Uniform Civil Code chungchangah Shah chuan, “UCC hman hi kan mawhphurhna atan kan Parliament leh state legislature te thutlukna siam tur atana Constitution duangtu ten an dah a ni” a ti a.
“Constituent Assembly in thutlukna kan siam tur atana an dah zingah Uniform Civil Code hi a tel a. Constitution duan lai kha chuan legal scholar KM Munshi, Rajendra Babu, Ambedkar te kha chuan secular ramah sakhuana behchhana dan siam a rem lo an ti a. Uniform Civil Code hi a awm tur a ni” tiin a sawi.
Union Home Minister chuan BJP te chuan Uttarakhand ah an sorkar chuan State leh Centre subject a nih angin enchhinna neiin an kalpui mek tawh a ti bawk a.
India rama UCC hman hi kum 1950 atang tawha BJP te agenda a ni tawh a, BJP rorelna state Uttarakhand-ah hman hmasak ber a ni ta bawk. “Uniform Civil Code hi social, legal leh religious reform turu tak mai a ni a. Uttarakhand sorkarin dan a siam te hi social leh legal scrutiny neih ni se. Religious leader te pawh rawn ni se” tiin Shah chuan a sawi bawk.
“Ka sawi awmzia chu nasa tak leh zau taka inrawnkhawmna awm ngei se. Sawihona zau taka neih a nih hnua Uttarakhand sorkar model law-ah thlak danglam a awm em tih te enho ni se, a chhan chu court a khin theih a ni a, judiciary ngaihdan pawh lak a ngai ang” a ti.
“Chumi hnuah state legislature leh parliament te chuan uluk takin thlirna nei leh bawk se. Chuvang tak chuan a nia kan ‘sankalp patra’” ah pawh BJP te chuan ram pumah Uniform Civil Code kan kalpui ang kan tih reng ni tiin Shah chuan a sawi bawk.
Kum nga chhunga kalpui hman a ni ang em tia zawhna pawh Shah chuan kalpui ngei a nih tur thu sawiin “Kum nga chu a tawk lutuk” a ti bawk.
A ruala ram puma inthlanna neih chungchangah Shah chuan, “One Nation, One Election” tihhlawhtlin a nih theih nan theihtawp kan chhuah ang a, hei pawh hi sawiho tho tur a ni. Prime Minister pawhin Ram Nath Kovind committee a hrilh tawh a, kei pawh member ka ni a, report thehluh a ni tawh bawk a. Ram pumah a ruala inthlan kan kalpui a hun tawh a ti bawk.
BJP ten thuneihna chang se nakumah bill putluh hman a ni ang em tia zawh pawh Shah chuan, “Kan tum chu kum nga chhunga kalpui a ni. Hemi hun chhung hi chuan kan kalpui hman ngei ang” a ti bawk. BJP te chuan Lok Sabha manifesto-ah an dah a ni a, Article 44 of the Constitution chuan Uniform Civil Code chu Directive principles of State Policy pakhatah a dah thung.
“BJP te chuan Uniform Civil Code hman a nih hma chuan India ah gender equality a awm thei lovah a ngai a, UCC chuan hmeichhia te rights a humhim tlat a, chuvang chuan UCC hman kan duh a ni” tiin manifesto chuan a tarlang.
‘One Nation, One Election’ chungchangah pawh BJP manifesto chuan Modi sorkar chuanhigh-powered Committee zirchiang turin a din tawh a, chung mite rawtna chu kalpuia hman a ni ang a ti bawk.