BJP te chuan Congress leader Rahul Gandhi chu ‘tunlai Indian politics-a Mir Jafar’ tia sawiin ‘nawab’ nih duh avanga ram dangte puihna ngen tiin an sawi.
London-a thusawina a neihah India democracy a hnualsuat nasa tia an beihna chu chhunzawm zui zelin BJP thupuangtu Sambit Patra chuan Rahul Gandhi chuan ngaihdam a dil ngei tur a ni a ti zui a.
“Rahul Gandhi hi tunlai Indian polity a Mir Jafar ti ila kan sawi sual tampui lovang. London-a a thil tih kha a hun laia Mir Jafar a thiltih nen thuhmun reng a ni,” tiin press conference a neihnaah a sawi.
Mir Jafar kha Bengal army-ah East India Company hnuaia Nawab of Bengal hmasa ber Siraj ud-Daulah hnuaia commander a ni a. Battle of Plassey ah Siraj ud-Daulah phatsanin kha vang khan British ten India ram an awp zui theih phah a ni.
“Rahul Gandhi pawhin Mir Jafar chet dan ang chiahin London-ah a che a. Shehzada hian Nawab nih a duh a. Shehnaza hian nawab a nih theih nan East India Company puihna a ngen a ni,” tiin Patra chuan a sawi.
BJP thupuangtu chuan ram pawnah India chungchang Rahul Gandhi-an a sawi tum khatna a ni lo a ti bawk a. “Issue pangngai satliah a ni lo. Congress party leh Gandhi family tena phatsanna an kalpui reng kal zel a ni,” tiin a sawi bawk.
Patra chuan BJP te chuan Rahul Gandhi hi ngaihdam dil lova en liam mai an tum hauh lo tiin a sawi bawk a.
“A tan duhthlan tur a awm tawh lo. Ngaihdam a dil ngei ngei a ngai a, ngaihdam kan diltir dawn hrim hrim,” tiin a sawi bawk.
BJP ten Rahul Gandhi leh ‘Mir Jafar’ khaikhin
Get real time updates directly on you device, subscribe now.
Prev Post