‘Black out’ mipuiin zawm tha
Indonaah thlawhna hmanga beih kan niha lo inralrin leh hmachhawn dan tur a tak ang thei tura entirin district hrang hrangah hun hman zel a ni a. Thawhtanni zan khan Kolasib district-a neih niin, mipuiin an zawm tha thawhkhat tih sawi a ni.
Kolasib leh Vairengte-ah civil defence mock drill hi neih a ni a, Zan lamah indo thlawhna hmanga beih kan nih thulha chet lak dan tur zirin, heng khaw pahnihah hian May 12 zan dar 8.59-ah ‘air raid siren’ tih rik a ni a, hemi hnu zan dar 9.00 leh 9.04 inkar chhung eng tih thim, power supply ‘black out’ a ni a, air raid mock drill neih zui a ni.
Air raid mock drill neih dan hi Thawhlehni khan District Disaster Management Authority Kolasib chuan an chairman, bawrhsap Robert C Lalhmangaiha kaihhruaiin thlirlet a ni.
Black out/ air raid mock drill hi Aizawlah neih hmasak ber a ni a, May 10-ah Siaha-ah neiin, nizan – May 13 khan Lawngtlai, Khawzawl leh Mamitah neih a ni. Zanin – May 14 hian Champhaiah neih a ni anga; Serchhip, Saitual leh Lungleiah May 15 zanah neih a ni ang.
‘Black out’ mipuiin zawm tha
Get real time updates directly on you device, subscribe now.
Prev Post