‘Black Rose’ hralh a kal

Mizo film ‘Black Rose’ chu Thulkhung app atanga lei theih a nih hnuah hralh a kal hle a, thenkhatin en na lamah harsatna te pawh an tawh phah zewuh zeuh a, mahse, tunah chuan a app lamah pawh engmah harsatna awm loin pangngai takin kalpui a ni leh ta a ni.
Black Rose hi he app-a an dah chhuah a zan khatnaah mi sang chuangin app kaltlangin an lei nghal a, vawiin thleng pawhin hralh a la kal hle niin a buatsaihtu te chuan an sawi. He film hi app-a an dahchhuah hma hian hmun 70 chuangah show kalpui tawh niin, show an neihna apiangah hall khat tlatin mipui a ko khawm thei zel a, tunah chuan mahni awm hmun atanga en theih turin Thulkhung app-ah an rawn chhawp chhuak ta a ni.