Black Sea-a US drone tlaah Russia puh

US chuan Black Sea-a American drone leh Russian fighter jet insut avanga drone a tlak hnuah Russia chu fimkhur lo lutukah a puh.
An insut hma hian Russian jet chuan American drone-ah hian fuel a leih nia sawi niin helai hmun hi international airspace nia sawi a ni bawk.
MQ-9 Reaper drone hi thlawk thei lova a awm hnuah US chuan a tichhe ta law law niin Pentagon chuan a sawi zui bawk a.
Russia chuan a Su-27 fighter jet pahnih ten drone hi hualin an chhaih buai tia an puhna chu a hnawl thung a.
Zawhna pawimawh ta ber chu Russa-in US drone hnathawh dan tihbuai a tum hrim hrim nge tihtlak a nih theih nan hrim hrima a hmalakna tih chu a ni a.
US military te chuan an drone leh Russian thlawhnate hi 30-40 minutes vel an inchhaih buai tiin an sawi a.
|um tam tak Russian fighter jet te hian drone-ah fuel an leih a, hetianga an chet lak dan hi a pawiin a dik lo hle a ni tiin thuchhuah siamah tarlan a ni a.
Pentagon thupungtu Brig Gen Pat Ryder chuan drone te chu thlawk thei tawh lo khawpa a awm hnuah an tihchhiat tak law law thu sawiin Russian aircraft pawhin hliam a tawh ngei an rin thu a sawi bawk.
Reaper drone te hi surveillance aircraft te niin thla 20m (66 ft) laia sei nei a ni a. Brig gen Ryder chuan Russians te chuan drone kehthem hi an buaipui zui lo tiin a sawi bawk.
United States’ National Security Council’s John Kirby chuan, “Kimchang taka sawi lang kher lovin, kan hmanrua leh bungrua te a bik takin drone te him zual nan hmalak kan tum” tiin a sawi zui nghal thung a.
Russia defence ministry thung chuan American drone chu ‘rang taka a inher vanga’ che buai tia sawiin a transponder chu a off a ti bawk a, transponder te hi communication device aircraft te awmna chin hriat zel theihna a ni.
Prof Michael Clarke, King’s College London-a professor in war studies chuan tihpalh thil liau liaua insu buai an ni thei tiin a sawi thung a.
Ex-director general of the defence and security think tank Royal United Services Institute chuan, “Tu pilot mahin thlawhna dang propeller dang suin an thlawhna ngei leh nunna atana hlauhawmah a inbarh lut duh lovang,” tiin a sawi.
Tun thil thleng hian Ukraine indona avanga US leh Russia inbakkaihna kal zel boruak sosang a hril chiang hle thunga ngaih a ni a. US chuan Washington-ah Russian ambassador Anatoly Antonov chu thuzawh fiah turin a ko nghe nhge a ni.
Meeting neih zawh hnuah Russian media te chuan Antonov chuan US hnenah Moscow chuan thil thleng chu inrunluihna angah ngaiin ‘US miliatry tena kan ramri hnaih taka chetlakna an nih hi ngaihmawhawm a ni’ tia a sawi thu an tarlang a.
Black Sea bikah hian kum 2014 a Russia-in Crimea ram bung chu Ukraine a chhuhsak hnuah boruak a sosang zui hle a. Chumi hnuah Russia-in Ukraine run lehin hei vang hian US leh UK te chuan reconnaissance leh surveillance flight zing zawkin international airspace huam chhungah tho ni siin an tir lut chamchi a ni.
A hma pawhin Russian pilot te chuan helai bial velah hian ram dang thlawhna te hlauhawm tak takin a zim tawh thin an ti a. Russian pilot te chuan US drone chu an hnaih lutukna lamah chetsualna a thlen phah nia ngaihna pawh a awm a.
Chutiang ni lova Russian warplane-in US aircraft te hi a bei takzet a ni tih finfiah a nih erawh chuan chu chuan buaina nasa zawk a hring thei tura ngaih a ni thung a. Drone chu lo bei ta ni se, Kremlin-in US a test tumna anga ngaih theih a ni bawk.