BLACKPINK-in record an siam
K-pop girl group BLACKPINK chuan YouTube-a group music channel entu ngah ber record an siam tih Guinness World Record-in an puang a, April ni 14 khan an video te chuan vawi 30,15,17,16,121 en a hlawh a, hei hi GWR chuan group music channel entu ngah ber record a nih thu an puang a ni.
A hmaa hetiang record siamtu chu Maroon 5 niin, anni hian 2018 atang khan an record hi an la hum char char a, mahse, he record hi BLACKPINK-in an rawn khum ta a ni. BLACKPINK hian K-pop group zinga music video pakhat entu ngah ber record pawh an siam a, an hla ‘ DDU-DU DDU-DU’ music video chuan vawi tluklehdingawn 2 en a hlawh thei a ni.
BLACKPINK hi tunlai hmeichhe group zinga lar ber tih loh theih an ni lo va, tunhnai lawk khan an hla Pink Venom music video pawhin YouTube-ah vawi maktaduai 600 en a hlawh tling a, hetiang zat en hlawh theih music video 10 an neihna a ni. Hei bakah hian thla kalta khan hmeichhe group zinga Spotify-a stream nasat ber record siamin, vawi tluklehdingawn 8.8 stream an hlawh tawh bawk a ni.
BLACKPINK-in record an siam
Get real time updates directly on you device, subscribe now.
Next Post