Blackpink t-shirt nen a lawm hlawh Post Malone
American rapper leh zaithiam Post Malone chuan Korea khawpui Seoul a concert a neihna ah Korean girl band lar tak Blackpink t-shirt a hak avangin fans te leh mipuite lawm a hlawh hle.
Post Malone hian “If Ya’ll Weren’t Here, I’d Be Crying” world tour a neih kal zelah September ni 23 khan Korea International Exhibition Center, Goyang ah concert hi a nei a, hun reilote chhungin ticket pawh hralh zawh nghal vek a ni a.
Post Malone chuan concert a neihna a rawn kal khawm korean mipuite chu korean tawnga chibai a buk avangin lawm a hlawh zual hle bawk.