Cybercrime kaihhnawih a pun zel vangin Prakasam district Superintendent of Police Malika Garg chuan mipuite chu ‘bluebugging’ laka fimkhur turin a chah a.
Malika Garg chuan, “Hacking chikhat niin attacker tena Bluetooth connection hmanga device an hack theihna a ni” a ti a.
“Device or phone bluebugged a nih tawh chuan hacker te chuan call a ngaithla thei a, message te a chhiar in a thawn vek thei a, contact te ruchhuakin a siam danglam thei bawk” tiin a sawi.
“Smartphone tam tak ten an Bluetooth setting te discovery mode in an dah avangin hackers te tan an device hnaih 10 metre vela an awm chuan an hre zung zung thei” tiin a sawi bawk.
Mobile phone te chu hackers tena cyber attack an kalpuina ber a nih tawh thu sawiin smartphone him bera ngaih te pawh a him vak tawh lo tia sawiin hei vang hian Bluetooth connection chu hmanloh chuan off zel a pawimawh a ti bawk a.
“Bluetooth setting atanga Bluetooth device hmuh theih mai loha siam a pawimawh bera tichuan hacker ten in device an thlunzawm thei dawn lo a ni,” tiin Malika Garg chuan a sawi bawk.
Hei mai bakah hian smart phone user te chu vantlang hmuna WiFi facility te chu hmang lo hram tura ngenin heng hmun te hi hacker te chettlatna ber ber tiin thurawn a pe bawk a.
Mikhual leh hmelhriat loh te nena Bluetooth pairing chu tih mai mai loh tur ti bawkin hacker te chuan malware an dah theih phah thin a ti bawk a.
“In thlalak, file leh data pawimawh te an ruksak vek thei che u a ni” tia sawiin chung te chu a hnuah tlanna sum phut nan te an hmang zui thin, tiin Malika Garg chuan a ti bawk.
Bluebugging lakah fimkhur tur ti
Get real time updates directly on you device, subscribe now.