Bonucci a chawl dawn
Bonucci a chawl dawn
Khawvela defender tha ber ber zinga mi Leonardo Bonucci chuan football a khel rei tawh dawn lova, Italy leh Juventus captain hian season tawp ruala football chawlhsan a tum thu a sawi.
Kum 36 mi Bonucci hian Europa League-a Sevilla an hmachhawn tum khan Juventus tan hian vawi 500 a khel tling chiah a, hnuhma ropui tak a hnutchhiah. Italian club ropui Juventus tan kum 12 chhunga vawi 500 zet a khel thei chu duhthusam a taka thleng a nih thu a sawi a. Juventud chu a nuna peng pawimawh tak, amah nena then hran theih loh a nih thu a sawi tel bawk.
Defender lar Bouncci hian a rawlthar laia a khelhna thin Viterbese-ah bul a tan a. Inter Milan, Treviso, Pisa, Genoa leh Bari tan a khelh kual zak zak hnuin kum 2010 khan Juventus a zawm. Juventus tan hian Italian Serie A-ah vawi 349 akheltling tawh am goal 27 a tun tling tawh bawk. Captain a nih mekna Italy tan hian kum 2010 atangin a khel tan a. Ram tan vawi 120 khelin goal 8 a thun.
Bonucci hian club leh ram tan hlawhtlinna hrang hrang a chang tawh a. Juventus hi Serie A-ah vawi riat a champion pui a, Inter Milan vawi khat a champpion pui tawh bawk. Italy hi Euro 2020-ah a champion pui. Final-ah England laka an si phurh sutna goal a thun kha ram tan a goal thun pawimawh ber reng tawhin a rinawm.
He defender tha, hmel pawh chhe lo tak hian season tawp rualin a boot a khai ang a, player anga a football zin