Nuggets an chak nghal

Nilai zing khan Western Conference final khelh tan a ni a, Denver Nuggets chuan Los Angeles Lakers an hneh nghal a, tha takin bul an tan.
Western Conference game khatnaah Denver Nuggets in bul an tan tha viau a, quarter hmasa berah point 12 zetin chungnung zawk an ni nghal. Quarter hnihnaah point rukin an sang zui leh a, point 18 zeta hmahruai chungin chawlhlawk an hmang.
Chawlhlawk hnu lamah LA Lakers an khel tha ve thung a, quarter hnuhnung pahnihah chungnung zawk an ni ve ve. Quarter thumnaah Lakers hi point liin chungnung zawkah an tang am an inkar an tizim hret. Quarter hnuhnung berah point 8 in chungnung zawkah an tang zui leh naa point rukin an khingpuite hi an umphak lova, tlawm zawkah an tang zui ta a ni.
Final game khatnaah LA Lakers an hneh tum hian Nuggets tan Nikola Jokic a khel tha viau a, tre-ble doubles a puitlin. Jokic hian point 34 a thawkchhuak a. Ball sawh let vawi 21 zet a dawn bakah assist vawi 14 zet a nei tling bawk. Nuggets tan hian Jamal Murray chuan point 31 zet a thawkchhuak ve bawk. He inkhela point thawkchhuak hnem ber chu Anthony Davis a ni a, ani hian Lakers tan point 40 a thawkchhuak. Lakers tan hian LeBron James chuan point 26 thawkchhuakin, Austin Reaves chuan point 23 a thawkchhuak ve bawk.