Box office-ah ‘Clayface’ a No.1
Box office-ah ‘Clayface’ a No.1
Director James Watkins kutchhuak body-horror ‘Clayface’ chu tun weekend kalta khan cinema hall-ah an chhuah Tan ta a, North America-a cinema hall 3,400-ah chhuakin, opening weekend-ah cinema hall ticket hralhna aTangin dollar maktaduai 24 a la lut a, box office No.1 a ni a, US pawn, ram hrang hrang 76 aTangin dollar maktaduai 19 a la lut tel bawk a, tihian opening weekend-a a lak luh belhkhawm chu dollar maktaduai 43 a tling ta a ni. He film siam nan hian dollar maktaduai 44 an seng a, hetah marketing a la tel lo a, marketing-ah hian a maktaduai sawm tel an hmang ang.
‘Clayface’-ah hian Batman thawnthu a misual, film lama hmuh tur a la awm ngai chanchinah a vir vel a, superhero movie dang angin a boruak a lian hluai lo a, superhero lama tui mi tam zawk pawhin ‘Clayface’ hi an la hmelhriat ngai vak loh a ni a, Tom Rhys Harries leh NaomiAckie te channa niin, Harries hi Clayface lemah changin, a hmelhmai a lo danglam tak vak avanga scientist (Ackie) a belhbul dan vel te tarlan a ni.
Kar kalta Box office No.1 ‘You Can See Everything’-in dollar maktaduai 19.5 la lut lehin No.2-ah bawk a la awm a, he film hian kar hnih chhungin US-ah dollar maktaduai 45.1 a la lut tling ta.
Animated movie ‘Wildwood’-in opening weekend-ah dollar maktaduai 11.7 la lutin No.3-ah a debut, he film, a siam nana dollar maktaduai 100 an sennaah hian Carey Mulligan, Peyyon Elizabeth Lee leh Jacob Tremblay ten an aw an tawh a, tleirawl pakhat a nau mipa la nausen tak chhanchhuak tura thlarau sual awmna ramngaw a a tei luh dan vel tarlanna a ni.
Kar kalta box office No.1 ‘Street Fighter’-in dollar maktaduai 8.6 la lut lehin No.4-ah a tawlh a, he film hian kar hnih chhungin US-ah dollar maktaduai 46.9 a la lut tling ta a, Capcom video game, combat tournament an neih dan vel tarlanna film-ah hian Noah Centineo, Andrew Koji leh Callina Liang te an chang a nih kha.
Box office top 5 khartu chu romantic fantasy ‘Wicker’ niin, opening weekend-ah dollar maktaduai 5.75 la lutin No.5-ah a debut. Olivia Colman leh Alexander Skarsgard te channa niin, Ursula Wills thawnthu tawi ziah “The Wicker Husband” behchhana chan a ni a, thingtlang khaw pakhat a hmeichhe pakhatin hnâng a an tah chawp pasala a neih dan vel tarlanna a ni.
Box office Top 10:
1 Clayface $24,000,000
2 You Can See Everything $19,500,000
3 Wildwood $11,776,976
4 Street Fighter $8,600,000
5 Wicker $5,750,000
6 Other Mommy $3,850,000
7 Sense and Sensibility $3,400,000
8 Whalefall $3,200,000
9 Verity $3,063,000
10 Resident Evil $3,000,000