Box office-ah ‘Dungeons & Dragons’ a No.1

Box office-ah ‘Dungeons & Dragons’ a No.1
‘Dungeons & Dragons: Honor Among Thieves’ chuan tun weekend kalta khan North America-ah cinema hall ticket hralhna atangin dollar maktaduai 38.5 a lalut a, box office No.1 a ni a, US pawnah dollar maktaduai 33 lalut bawkin, a vaiin dollar maktaduai 71.5 a lalut nghal.
‘Dungeons & Dragons: Honor Among Thieves’ hi Jonathan Goldstein leh John Francis Daley te direct niin, Hollywood star rual Chris Pine, Michelle Rodriguez, Regé-Jean Page, Justice Smith, Sophia Lillis, Chloe Coleman, Daisy Head leh Hugh Grant te channa a ni a, US pawnah dollar maktaduai 33 lalut bawkin, a vaiin dollar maktaduai 71.5 a lalut nghal.
Kar kalta a opening weekend-a dollar maktaduai 73.8 lalut a, No.1-a debut Keanu Reeves channa ‘John Wick 4’-in dollar maktaduai 28.2 lalut lehin No.2-ah a tawlh a, he film hian ni 10 chhungin US-ah dollar maktaduai 122.9 a lalut tling tawh a, US pawnah dollar maktaduai 122 lalut tawh bawkin, a vaiin dollar maktaduai 245 a lalut der tawh a ni.
Film tlangzarh thar ‘His Only Son’-in dollar maktaduai 5.5 lalutin, No.3 a ni. He film hi Bible behchhan, Pathianin Abraham-a fiah a, a fapa Isaka halral thil hlana hlan tura a tih dan vel tarlanna a ni. Nicolas Mouawad (Abraham), Sara Seyed (Sara), Daniel da Silva, Edaan Moskowitz leh Luis Fernandez-Gil te canna a ni.
Box office No.1 hlui ‘Scream VI’-in dollar maktaduai 5.3 lalut lehin No.5 a ni a, he film pawh hian US-ah dollar maktaduai 98.2 lalut tawhin, US pawn nena belh khawmin dollar maktaduai 148.6 a lalut tling ve tawh bawk.

Box office top 10 ($ in million):
1 Dungeons & Dragons: Honor Among Thieves $38.5
2 John Wick: Chapter 4 $28.2
3 His Only Son Angel $5.5
4 Scream VI $5.3
5 Creed III $5
6 Shazam! Fury of the Gods $4.72
7 A Thousand and One $1
8 ‘65’ $1.58
9 Ant-Man and the Wasp: Quantumania $1.23
10 Jesus Revolution $1