Box office-ah ‘Mufasa’ a No.1

Box office-ah ‘Mufasa’ a No.1
Kumin weekend hmasa bera cinema hala lama rak ber chu animated film ‘Mufasa: The Lion King’ niin, tun weekend kalta khan North America-ah cinema hall ticket hralhna atangin dollar maktaduai 24 la lutin, box office No.1 a ni
‘Mufasa’ hian US-ah dollar maktaduai 168.6 la lut tling tawhin, US pawna a lak luh nen chuan dollar maktaduai 476.4 a tling der tawh a, kum 2024-a film tlangzarh zinga sum la lut hnem 10-na a ni pha.
Animated film dang ‘Sonic the Hedgehog 3’ pawhin dollar maktaduai 21 la lut ve lein, No.2 a la ni a, he film pawh hian US-ah dollar maktaduai 187.5 a la lut tling taw a, US pawnah dollar maktaduai 148.8 la lut tawh bawkin, a vaiin dollar maktaduai 336.3 a tling ve tawh bawk.
Vampire fim ‘Nosferatu’-in dollar maktaduai 13 la lut lehin No.3 a ni a, he film pawh hian US-ah dollar maktaduai 69.4 a la lut tling tawh a, US pawnah dollar maktaduai 31 a la lut tling taw bawk.
No.4 pawh animated film tho niin, Moona 2 a la kal tluang viau a, dollar maktaduai 12 la lut lehin No.4 a la ni thei a, he film hian US-ah dollar maktaduai 425.2 la lut tawhin, US pawna a lak luh nen chuan dollar maktaduai 960.5 a tlin der tawh.Box office top 10 ($ in million):
1. Mufasa: The Lion King : $24M
2. Sonic the Hedgehog 3 : $21M
3. Nosferatu : $13M
4. Moana 2 : $12M
5. Wicked : $10M
6. A Complete Unknown : $8.1M
7. Babygirl : $4.5M
8. Gladiator II : $2.7M
9. Homestead : $2.1M
10. The Fire Inside : $1.2M