Kawvela upa ber Inah Canabarro Lucas

Kawvela upa ber Inah Canabarro Lucas
Brazil-a hmeichhe sakhaw rawngbawl tura inserh rang, nun, Inah Canabarro Lucas, kum 116 leh ni 210 a upa a nihin Guinness World Records chuan khawvelah mihring damlai zinga upa berah an puang. A hmaa he record siamtu Japanese Tomiko Itooka chu December ni 29, 2024 khan Ashiya, Hyogo Prefecture-a a awmna nursing home-ah a thi a, a thih thu hi January ni 4, 2025 khan an puang chauh a ni.
Inah hi khawvela nun upa ber a ni bawk a, June ni 8, 1908 khan Sao Francisco de Assis, Rio Grande do Sul, Brazil-ah a piang a, a pian hlim atangin a chawrche em em mai a, a cher chhe bawk si a, puitlin thlenga dam zo turah pawh an ruat loh hial khawpin a naupan lai chuan a chawrche thin.
Santa Teresa de Jesus boarding school, Satana so Livramento-ah December ni 27, 1918 atangin lehkha a zir tan a, chuta tang chuan Montevideo, Uruguay-ah pemin, chutah chuan July ni 27, 1934 atangin sakhaw rawngbawl tura inserh hrangin, nun ni turin a inpe ta a ni. Uruguay atangin Brazil-ah let lehin, chutah chuan Tijuca, Rio de Janeiro-a school-ah Portuguese leh mathematics zirtirtu hna a thawk ta a, chuta tang chuan hmun hrang hranga kualin, 1980 khan Porto Alegre-a Provincial House enkawltu niin a awm ta a ni.
Inah hian 2018 khan a pianchampha vawi 110-naah Pope Francis hnen atangin malsawmna a dawng tawh bawk.
Inah hi chhinchhiah theih china nun upa ber dawttu a la ni a, a upa ber chu Lucile Randon (Sister Andre an ti bawk) niin, ani pawh hi khawvela upa ber te pawh a lo ni tawh a, kum 118 mi niin a thi.
An chhinchiah danin Inah hi tunah hian khawvel pumah 1908 a piang awm chhun a ni tawh a, 1910 hmalam a piang pawh mi pathum chauh an awm tawh a ni.