Pixar animate movie ‘Inside Out 2’ chuan tun weekend kalta khan North America-ah cinema all ticket hralhna atangin dollar maktaduai 100 a la lut a, a kar hnih nan North American box office No.1 a ni a, animated film tlangzarh tawh zingah a weekend vawi hnihnaa cinema hall ticket hralhnaa sum la lut hnem ber record a siam a, animated chauh ni lo zingah pawh tlangzarh atanga weekend vawi hnihnaa sum la lut tam pasarihna a ni pha.
‘Inside Out 2’ hian US pawna pawh dollar maktaduai 164.4 la lut lehin, tihian kar hnih chhungin khawvel huapin cinema hall ticket hralhna atangin dollar maktaduai 724 a la lut tling tawh a, kumina film sum la lut tam ber niin, a hmaa e record siamtu ‘Dune: Part Two’ (dollar maktaduai 711) a khum ta a ni.
Will Smith leh Martin Lawrence channa ‘Bad Boys: Ride or Die’-in dollar maktaduai 18.8 la lut lehin No.2 a la ni a, he film pawh ian kar thum chhungin US-ah dollar maktaduai 146.9 la lut tawhin, US pawna a lak luh nen chuan dollar maktaduai 289.1 a tlin ve tawh bawk.
Film tlangzarh tar ‘The Bikeriders’-in dollar maktaduai 10 la lutin No.3 a ni a, he film hi Austin Butler, Jodie Comer leh Tom Hardy te channa niin, 1960s a motorcycle gang chanchin tarlanna a ni.
Hollywood star Russell Crowe channa an tlangzarh thar ‘The Exorcism’-in beisei a pha lo hle a, opening weekend-ah dollar maktaduai 2.4 chiah a la lut thei a, heti chung hian No.7 a la ni pha tho thung. Crowe channa-ah chuan opening weekend-a sum la lut tlem ber a la ni.
Box office top 10:
1 Inside Out 2 $100,000,000
2 Bad Boys: Ride or Die $18,775,000
3 The Bikeriders $10,000,000
4 The Garfield Movie $3,600,000
5 Kingdom of the Planet of the Apes $3,600,000
6 IF $2,775,000
7 The Exorcism $2,439,000
8 Thelma $2,212,350
9 The Watchers $1,940,000
10 Rite Here Rite Now $1,408,408
Box office-ah record siamin ‘Inside Out 2’ a la No.1
Get real time updates directly on you device, subscribe now.
Prev Post
Next Post