Box office-ah Super Mario a la No.1

‘The Super Mario Galaxy Movie’ chu tun weekend kalta khan North America-ah cinema hall ticket hralhna atangin dollar maktaduai 69 la lut lehin, a kar hnih nan box office No.1 a ni. He film hian kar hnih chhungin US-ah dollar maktaduai 308.1 a la lut tling der tawh a, US pawn, ram hrang hrang 88 atangin dollar maktaduai 321.1 la lut tawh bawkin, a vaiin dollar maktaduai 628.8 a tlin tawh a, kumina Hollywood movie tlangzarh zinga sum la lut hnem ber a ni der tawh bawk.
Box office No.1 hlui ‘Project Hail Mary’ pawh a la kaltluang viau a, weekend vawi linaah dollar maktaduai 24.58 la lut lehin No.2 a la ni a, he film hian kar li chhungin US-ah dollar maktaduai 256.7 la lut tawhin, US pawnah dollar maktaduai 254 a la lut tawh bawk a, tihian a vaiin dollar maktaduai 510.6 a tlin tawh.
Zendaya leh Robert Pattinson channa ‘The Drama’-in dollar maktaduai 8.7 la lutin No.3 a ni a, he film hian US-ah dollar maktaduai 31 la lut tawhin, US pawn a a lakluh nen chuan maktaduai 65 a tlin tawh.
Film tlangzarh thar You, Me & Tuscany chu No.4 niin, dollar maktaduai 8 a la lut a, No.4 a ni. He film-ah hian Halle Bailey chu chef pakhat, a ruka Italian villa a khawsa, a khawsak in neitu, a cousin ni bawk (Rege-Jean Page) hmutai ta deuh lemah a chang.
Hoppers-in dollar maktaduai 4.1 la lut lehin, No.5 a ni a, he film hian kar ruk chhungin US-ah dollar maktaduai 157.1 la lut tawhin, US pawn lama a hmuh nen chuan maktaduai 354.4 a tlin ve tawh bawk.
Box office Top 10:
1 The Super Mario Galaxy Movie $69,000,000
2 Project Hail Mary $24,580,000
3 The Drama $8,707,406
4 You, Me & Tuscany $8,000,000
5 Hoppers $4,100,000
6 Faces of Death $1,700,000
7 The Exit 8 $1,404,500
8 Reminders of Him $1,000,000
9 Ready or Not 2: Here I Come $867,000
10 Dhurandhar: The Revenge $685,000