Box office-ah ‘The Boy and the Heron’ a No.1
Hayao Miyazaki Japanese animated film ‘The Boy and the Heron’ chuan tun weekend kalta khan North America-ah cinema hall ticket hralhna atangin dollar maktaduai 12.8 lalutin, box office No.1 a ni a, kumin North American box office-a foreign production a No.1 vawi khatna a ni. He film hian Japan-ah chuan opening weekend-ah dollar maktaduai 85 a lalut pha a ni.
Kar kalta khan film tlangzarh thar a awm vak lo a, chu chu he Japanese film pawh hian a chet that phah ta a ni. Dan narain December weekend vawi hnihna hi North America-ah cinema hall lam an thawl deuh hun a ni thin a, studio lamin Krismas film lam an hawi deuh tawh thin vang a ni pakhat.
He film hi thalai lamin an en nasa zawk a, ticket leitu 80% pawh kum 18-34 an ni. He film hi Japanese tawng a nih avangin english subtitle dah a ni a, a dubbed version-ah Christian Bale, Gemma Chan, Wilem Defoe, Robert Pattinson leh Florence Pugh te pawhin an aw an thawh a, a original Japanese-ah chuan Soma Santoki, Masaki Suda, Ko Shibasaki, Aimyon, Yoshino Kimura leh Takuya Kimura ten aw an thawh ve thung.
The Hunger Games: The Ballad of the Songbirds and Snakes-in dollar maktaduai 9.4 lalut lehin No.2 a ni a, he film hian kar li chhungin US-ah dollar maktaduai 135.6 a lalut tawh a, US pawna a lakluh nen chuan dollar maktaduai 279 a tlin ta a ni.
Japanese movie dang Godzilla Minus One-in dollar maktaduai 8.3 lalut lehin No.3 a ni a, he film hian US-ah kar hnih chhungin dollar maktaduai 25.3 a lalut tling ta. Tun tum hi North American box office top 5-a Japanese movie pahnih a awm rual vawi khatna a ni bawk.
Animated film bawk Trolls Band Together-in dollar maktaduai 6.2 lalut lehin No.4 a la ni a, he film hian US-ah dollar maktaduai 83.1 a lalut tling ta a, US pawnah dollar maktaduai 90.7 lalut tawh bawkin, a vaiin dollar maktaduai 173.8 a tlin ta. Beyonce concert movie ‘Renaissance: A Film by Beyonce’-in dollar maktaduai 5.3 lalut lehin No.5 a l
North American Box office top 10:
1 The Boy and the Heron $12,836,313
2 The Hunger Games: The Ballad of Songbirds & Snakes $9,400,000
3 Godzilla Minus One $8,342,710
4 Trolls Band Together $6,200,000
5 Wish $5,300,000
6 RENAISSANCE: A FILM BY BEYONCÉ $5,000,000
7 Napoleon $4,200,000
8 Waitress: The Musical $3,237,875
9 Animal $2,275,000
10 The Shift $2,159,077