BP sang engtia tih tur nge

Hypertension an ti a, chu chu BP sang kan tih hi a ni mai. Tunlaiah kum naupang tak tak BP sang nei an tam ta hle a, a inven dan leh a inenkawl dan kan hriat a pawimawh hle.
BP sang control dan \ha ni a kan hriat tlanglawn ber chu chi/sodium ei tlem (restriction) hi a ni. Sodium restriction hi a pawimawh rualin, BP sang enkawl naah hian thil tam tak hriat tur a awm a, nutrient leh potassium, calcium, fiber, phytochemicals leh omega 3 fats lak luh \hat leh dulkiar tih thep te pawh a pawimawh.
Chaw hi mihring nunna atana pawimawh tak a ni a, kan chaw ei zat bakah eng nge kan ei tih te pawhin kan hriselna kawngah nghawng a nei lian hle a, chuvangin kan ei leh in control leh kan khawsak phung tihdanglam hi BP sang enkawl nan a pawimawh hle a ni.
Potassium: Mithiam ten zirchianna hrang hrang an neih tawhah potassium pai tam chaw kan ei hnem hian BP a tihniam thei tih a ni. Potassium pai tam thei leh thlai zingah alu, spinach, tomato, balhla, serthlum leh dry fruits te chu a langsar pawl an ni.
Calcium: Calcium hi lung (heart) tihrawlin hna a thawh \hat theih nan a mamawh a, chuvangin BP sang enkawl nan a pawimawh hle. Thau pai tam lo bawnghnute, yogurt (dhoi kan tih ang chi, mahse, chini telh loh), thlai hnah hring, almond, chhawhchhi leh tofu te chu calcium pai hnem langsar zual an ni.
Fiber: Fiber hian BP a chunglam leh hnuailam sang a tihniam thei. Whole cereals leh pulses, dal, peas, bekang, theirah leh thlaihnah, wheat bran, oat bran te chu fiber pai tam langsar zual an ni.
Omega 3 fats: Omega 3 fatty acid hi BP tihhniamna \ha tak a ni a, lung tan chaw \ha a ni. Sangha, an\am oil, khawkherh, wheat, bekang, lobia, flax seed, chia seed, methi seeds leh rajmah te chu omega 3 fats pai tam langsar zual an ni.
Magnesium: Magnesium kan tlakchham chuan kan thisena calcium leh potassium a lo tlahniam ve nghal a, chutiangin lung-in thisen a pump dan pawh a lo danglam \hin. Whole grains, pulses, dal, spinach, whole wheat bread, nuts leh tofu te chu magnesium pai tam langsar zual an ni.