Brazil hmakhalhin a lerah Argentina chho
Ningania Fifa ranking thar tarchhuahah World Cup cham-pion Argentina chuan kum ruk zet an nghah hnuah hmun sang ber an luahkir ve leh thei ta hram.
Nikum Qatar ram World Cup final-ah France hnehin Lionel Messi & Co. hi kum tam tak hnuah world champion rawn ni chho leh mah se Fifa ranking-ah an thenawm ram Brazil pha loin a ler an luah zo nghal mai lo a, mahse, tunhnai international break laia friendly match pahnih an khelhah hnehna chang ve vein, Panama laka 2-0 hnehna an sualchhuah hnuah 7-0 tehrengin Curacao an sawp zui leh a, ranking tharah point 1841 hmuin Lionel Scaloni team hian Brazil an hmakhalh ta a ni.
France pawhin Brazil lehpelin pahnihna an luah chho a; Les Bleus pawh hian tunhnai Euro 2024 qualifiers-ah khan 4-0-a Europe team tha Netherlands an sawp bakah sikhat faiin mual-neitu Ireland an hneh leh a; friendly match lama mualneitu Morocco laka 1-2-a tlawm Bra-zil lehpelin World No. 2 an luah.
Palinaah Belgium awm chhunzawmin, pangana Eng-land hnung chiahah Netherlands an thu a, Croatia chu pasarihna niin, pariatnaah Italy an awm a, pakuana Portugal leh top 10 luah kimtu Spain kan hmu chhunzawm bawk.
Tri-nation tournament vawi-hnih chak India pawhin hma sawn ve leh hretin, ranking tharah hian 101-na an luah a, top 100 an hnaih tawh hle!
Central African Republic chu tuntum ranking thara hmasawn ber niin, pen 10 zetin an kaisang a, 122-na an luah.
Brazil hmakhalhin a lerah Argentina chho
Get real time updates directly on you device, subscribe now.