BTS member zinga sipai \ang hmasa ber Jin chuan a sipai thuam nena a thlalak post-in sipai \an pawh a hrehawm hran lo niin a sawi. Jin hian a thlalak hi Weverse-ah share-in, sipai thuam nen attention-a a ding lai a dah tel a, a thlalak pakhatah peace sign a siam a, a pathumnaah chuan face mask var a hmang ve thung.
A thlalak post bakah hian Korean-in “Hun \ha tak ka hmang a. Sipai lam phalna thlalak hi ka post a ni. ARMY, hlimin lo hrisel reng rawh u,” a ti.
South Korea-ah hian mipa pangngai te chu kum 18 leh 35 inkarah thla 18 tal sipaiah an \an ngei ngei a ngai a, Jin, kum 30, hi nikum December khan sipai-ah a inziak lut ta a, ani hi BTS member zinga upa ber niin, sipai-ah a \ang hmasa ta ber a, member dang- Jung Kook, Suga, Jimin, RM, V, leh J-Hope te sipai \an hun tur erawh an la puang lo a, nikum October khan BIGHIT Music chuan BTS member zawng zawng sipai-ah an la \ang vek dawn tih puangin, group hi 2025 a\anga a hma anga kalpui leh an tum thu an lo puang tawh bawk a ni.
Jin hian basic training kar nga a zo tawh a, December ni 13 khan Yeoncheon training center a zawm kha a ni a, tunah chuan Yeoncheon army base, Gyeonggi province hmarlama army base-ah assistant instructor turin an dah tawh a ni.