BTS Jung Kook ‘Seven’ RIAA Platinum certifed a ni ta

BTS member Jung Kook-a solo debut single ‘Seven’ featuring Latto chu Recording Industry Association of America (RIAA) cartified Platinum a kai ta. ‘Seven’ hi July ni 14, 2023-a tlangzarh kha niin, Jung Kook-a official debut single a ni a, November ni 6 khan RIAA chuan Platinum certified a nih thu an puang ta a ni.
RIAA-in Platinum certified a tih chu US-a hla emaw album emaw maktaduai hralh tlin theih chin hi a ni a, ‘Seven’ pawh hi US-ah maktaduai aia tam an hralh tawh a, hei vang hian Platinum certification hi an hlan ta a ni.
Platinum certified a nih hma pawhin ‘Seven’ hian Guinness World Record a lo siam tawh a, streaming platform Spotify-a hla vawi tluklehdingawn stream kai rang thei ber niin, ni 109 chhungin hetiang zat stream hi a kai hman a, a hmaa hetiang record siamtu chu Miley Cyrus ‘Flowers’ kha niin, ni 112 chhungin vawi tluklehdingawn stream a hlawh hman a ni.
Jung Kook hla dang ‘Left and Right’ pawh RIAA-in Gold certification an hlan tawh a, hei hi US-a hla leh album 5,00,000 chin hralh theih an hriatpuina a ni ve thung.