BTS ‘Monuments: Beyond the Star’ Dec.20-ah

ARMY inring ru le. BTS chuan an documentary series ‘BTS Moments: Beyond the Star’ chu a teaser leh poster an tichhuak ta a, he docuseries hi Disney+ ah December ni 20 atangin an tichhuak tan dawn a ni.
He docuseries hi part 8 thleng a awm a, an group kum 10 chhung zin khawng a harsatna an tawh leh hlawhtlinna te an tarlang dawn a, hei bakah hian Jung Kook, V, Jimin, Suga, J-Hope leh RM te interview a awm bawk ang.
BTS hi 2013 atangin an rawn che tan a, 2 Cool 4 Skool hmanga debut-in hetah hian an single hmasa ber ‘No More Dream’ pawh a tel a, heta tang hi chuan tute nge BTS tih hi inhmelhriat tir leh hranpa pawh a ngai tawh chuang lo, record hrang hrang an rawn siam chho deuh zawih zawih tawh mai a ni.
Tunah chuan an group member pathum chu South Korea sipaiah an tang mek a, member dang te pawh sipaia la inziak lut ve leh vek tur an ni a, 2025-ah an reunion leh thei dawn chauh a ni.
BTS Monuments: Beyond The Star hi December ni 20-ah chhuak tanin, Nilaini apiangin episode thar pahnih kartin a chhuak thin dawn a, Disney+-ah a en theih ang.