BTS member Suga chu South Korean sipai-ah a inziak lut ve leh ta a, BTS member zinga sipaia inziak lut pathumna a ni ta a, a bandmate Jin leh J-Hope te chu South Korean sipai-ah hian an lo inziak lut tawh bawk a ni.
Suga chuan ARMY te tan lehkhathawn ziakin, “Hei leh chen ka lo thleng hi in chungah lawmthu ka sawi e. Ka hun a thleng ve ta. Ka duty te rinawm takin ka tlingtla ve ang a, ka rawn kir leh ang,” tiin Weverse-ah a post a, “Favang boruak inthlakah lo fimkhur ula. Hrisel takin lo awm ula 2025-ah kan inhmu leh vek dawn nia,” a ti bawk.
A bandmate Jin leh J-Hope te ang lo deuhin Suga hi chu ral bei tura fit tawk lo (unfit for combat) tih a ni a, a chhan erawh tarlan a ni lo a, hei vang hian raldo tur chi ni lovin, social service agent angin sipai-ah hian a tang dawn a ni.
BIGHIT chuan October 2022 khan BTS member — Suga, RM, V, Jin, Jung Kook, J-Hope leh Jimin te chu South Korean dana thalai, rualban lohna nei lo, mi hrisel tha pangngai kum 18-35 inkar te sipaia thla 21 tal an tan ngei ngei a tul avangin he dan hi an zawm ve vek tur thu an puang a, an group pawh 2025-a tikhawm leh chauh tur an nih thu an lo puang tawh bawk a ni. BTS member zingah Jin chu sipai-ah lut hmasa berin J-Hope leh Suga ten an dawt ve ta a ni.
BTS Suga sipai-ah a inziak lut ve ta’
Get real time updates directly on you device, subscribe now.
Prev Post
Next Post