BTS hla thar ‘Take Two’ chu K-pop hlaa iTunes US chart-a No.1 kai rang thei ber niin, he hla hi an tihchhuah atanga darkar khat leh minute 10 chhungin he chart-ah hian No.1 a kai hman a ni.
‘Take Two’ hi BTS-in an kum 10 tlin champha lawmna pakhata an tihchhuah a ni a, BTS member te hi solo project lama an insawrbing lai leh, group anga chawlh an lak lai a nih avangin he hla hi ARMY lamin an ngaihven lehzual a, an member Jin leh J-Hope ten South Korea sipai an zawm hnua group anga an hla tihchhuah leh hmasak ber a ni.
Hetihrual hian fans lam pawh ‘BTS Festa 2023’ atan an inpuahchah leh mup mup tawh a, hei hi June ni 17-a neih tur niin, fans tana chhim theih a ni. BTS Presents Everywhere project Yeouido-ah RM chuan special event a host dawn a, fan-te nen interaction an nei dawn a, hei bakah hian ‘It’s 5PM, and This is Kim Namjun’ show chu tlai dar 5 atanga dar 6 (KST) a host dawn bawk a ni.
Jungkook-a’n zan dar 8:30 atanga dar 9 (KST)-a nei tur ‘BTS 10th Anniversary Fireworks Show’a host dawn a, ‘Firework Spectacle Zone’ winner te chu he halmawi show thlir theihna hmun remchang bera an thu thei dawn a ni.
June ni 17 hian Exhibition and Experimental Spaces an nei dawn bawk a, hei hi chhun dar 12-ah an hawng dawn a, he exhibition-ah hian event hlimawm tak tak a awm a ’10 Years of BTS,’ ‘Run BTS Stage Outfits,’ ’10th FESTA Monument’, ‘BTS Family Portraits,’ ‘Bring The Song: My BTS Playlist,’ ‘Temporary Tattoo Booth,’ te pawh a awm dawn a ni.
BTS ‘Take Two’-in K-pop record a siam
Get real time updates directly on you device, subscribe now.
Next Post