Buaina siam ching raltlan haw turin ti

Buaina siam ching
raltlan haw turin ti
New Champhai YMA chuan an huamchhunga cheng Myanmar atanga raltlan mi pahnih buaina siam ching chu June 28 ralhmaa Mizoram chhuahsan turin an ti.
YMA New Champhai Branch thuchhuak chuan, Lalhmachhuana (37) leh Mangkarthanga (20) Falam Myanmar chu June 22 zan khan zurui intibuaiin, buaina siamin hriamhrei hial an thawh tih a sawi a. Hei vang hian June 28 (Inrinni) hma ngeia Mizoram chhuahsan turin a hriattir.
June thla tir lam khan New Champhai YMA hian an huamchhunga cheng tho, Myanmar atanga raltlan Vum Deih Lian chu nungchang tha lo tak, rui chunga buaina siam ching leh hmanrua nena mi rikrap ching a ni, tiin, June 18 ral hmaa New Champhai chhuahsan a, Myanmar-a haw turin a lo hriattir tawh a. Hemi ang hian a haw a ni.
YMA New Champhai Branch hian Sub-Hqrs YMA Champhai leh a huamchhunga branch zawng zawng chu an thuchhuak hi hriatpui turin a ngen a ni.