Buaina thar awm karah Manipur CM hluiin Shah kawm

Buaina thar awm karah Manipur CM hluiin Shah kawm
Manipur chief minister hlui, N Biren Singh leh Rajya Sabha MP Leishemba Sanajaoba te chuan an state-a buaina thar a awm mek laiin New Delhi-ah Union Home Minister Amit Shah telin sorkar mi pawimawhte an kawm a, Nilaini khan Imphal-ah an let leh.
Manipur-ah hian Meitei pawl, Arambai Tenggol-a an sipai pawl hotu man a nih avangin tun hnaiah buaina a awm leh nasa a. Man duh lohna lantirna, bandh leh curfew puanna pawh a awm.
Delhi atanga Imphal tumhmun an thlen hnuah Singh chuan thuthar lakhawmtute hnenah union home minister hnenah hian ngenna an thlen tih a sawi a. Shah hi ni hnih an hmu zawn tih sawiin an state dinhmun mek leh Manipur mipuiten thil hrang hrang an hmachhawn mekte an sawi a, hmalak dan tur rawtnate pawh an siam tih a sawi.
“Union home minister atanga kohna kan hmuh avangin Manipur atangin kan pan a. Zana kan hmuh hnuah a tukah kan inkawm leh a. Kan dinhmun kil hrang hrang kan thlir a, kan state-a mipuiten an tawrh dan zawng zawngte pawh kan sawi lang,” a ti.
Singh-a hi an state-a chi leh chi inkara buaina chhuakin kum hnih a tlin dawn hnaihah Manipur chief minister atangin February khan a bâng.
Singh-a hian union home minister hnenah hian kawngpui dan te, vantlang buaina leh chi leh chi inkara buaina chhuah chhan zawng zawngte kimchang takin an hrilh tih a sawi a. Shah hian a hma atang tawhin pawl leh hnam hrang hrangte pawh a lo kawm tawh a, buaina chin felna tur chu kil hrang hrang atangin a thlir tih a sawi.
“Kan state buaina hnam thil leh khaw tin khawih a nih avangin a thil khirhin a harsa bik a, chu chuan hmalak dan turah ngaihtuahna sen nasat a tingai bik a. Union home minister hian muanna vawng turin a ti vek a, chu chu hmasawnna thlenna tura pawimawh hmasa a nih thu a sawi,” a ti.
Singh-a chuan Shah-a hian muanna a thlen theih nan a bul thum atangin, kil tina mite tangin mipui thlan chhuah te, vantlang pawl hrang hrang te, zirlai pawl leh hmeichhe pawl te pawh an tanho vek a ngai tih a sawi tih a sawi a. Sorkar laipui chuan mipui rorelna kalhmang anga pawl hrang hrangte a huhova thil sawihova indawr chu a duh dan ber a nih thu a sawi bawk.
Biren-a hian Shah-a duh dan angin mipui thlan te, vantlang huap pawl leh zirlai pawlte chu pen chhuaka inhawng taka inbe turin a sawm a. Mipui rorelna kalhmang ang taka thil kalpui chu thil chin felna tur kawng awm chhun a ni tih a sawi.
An state-a sorkar din leh chungchangah Singh-a chuan Shah-a hian sorkar laipuiin mipui rorelna kalhmang ang pangngai tun din leh a duh ber tih a sawi niin a sawi a. Mipuite pawhin an thlan sorkar ngei din leh an duh tih an hrilh tih a sawi bawk.
“Sorkar laipui hian mipui thlan sorkar leh an aiawhtute siam sorkar din leh a duh ber a. Union home minister pawhin a rang thei ang bera chutiang a nih theih nan chuan hma lak a tum tih a sawi,” a ti.
Tar lan tawh thin angin hmarchhak state-ah hian Meitei leh Kuki inkara buaina chhuak avangin mipui sorkar pangngai a awm rih lo va. February-a Singh-a a bân hnuah sorkar laipui chuan President’s Rule-ah a awmtir mek a ni.
Hnam hnih intihbuaina hian kum hnih chuang awh tawhin mi 150 chuang thi an awm tawh a, mi sang telin an in leh lo chhuahsana baihvaiin an la awm phah mek bawk.