Buh leh thlai chin theihna hmun drone hmangin enfiah

Buh leh thlai chin theihna
hmun drone hmangin enfiah
Serchhip district-a buh leh thlai chin theihna hmun chu drone hmangin enfiah a ni a. Hemi hmang hian hma lak zui a ni ang.
Digital Agriculture Mission hnuaia hmalakna bul tanna atan February 14 khan Agriculture special secretary Ramdinliani kaihhruaiin Serchhip-ah thutkhawm a ni a. Chairman hian Digital Agriculture Mission hnuaia department-in hma lak a tum dan a sawi. He Mission hi zawhfel a nih chuan department zawng zawngin an hmang tangkai dawn tih a sawi a ni.
Digital Agriculture Mission hnuaiah hian Serchhip district chu drone hmanga agricultural land aerial survey neih hmasakna ber leh enchhinna pilot project atan thlan niin, hma lak nghal a ni. Drone Survey Team atan Theta Enerlytics thlan an ni a, tunah hian drone survey an kalpui mek.
Theta Enerlytics chairman & co-founder Karan Dhaul chuan Drone survey kalpui dan tur leh agriculture hmasawnna atana ruahmanna an siamte power point hmangin a sawihfiah a. District Agriculture Office Serchhip-in hma an lak tawh dan sawifiah bawk.
Thutkhawmah hian hriatfiah loh leh sawiho ngai sawiho a ni a. He Mission hi tangkai taka hman a nih theihnan department ten thawhhona tha an neih a tul thu sawi niin, drone survey neih zawh a nih hnuah Land Revenue & Settlement department-in kuthnathawktute ram chin chipchiar zawkin survey chhuah leh vek a ngai dawn tih sawi a ni.