Buhfai stock a tha tawk, Oil pawh harsa lutuk lo

Buhfai stock a tha tawk, Oil pawh harsa lutuk lo
National Highway No. 6/306 that loh avanga bungraw phur lirtheiten harsatna an tawh bakah pawl thenkhatin nawrh an huaihawt avangin mipuiin nitin mamawhah harsatna an tawh lohnan sawrkarin theihtawp a chhuah tih sawi a ni.
Furpui intan hmaa FCS&CA department-in ngawrh takin monsoon stocking a kalpui avangin buhfai sem kawngah harsatna a awm lo tih sawi a ni a. Tuialhthei pawh July 23 zinga FCS&CA department-in report a dawn chinah, Aizawl Municipal huamchhung bikah MS-I (petrol pangngai) litre 11729, XP litre 27308 leh HSD (diesel) litre 26871 stock a awm. District dangah pawh district administration-te hriatpuina hnuaiah stock vil chhunzawm reng a ni.
Hetih lai hian Kawnpui leh Sairang inkar kawng chhia avanga an lirthei din tir mek Mizoram Oil Tanker Driver’s Association chuan lirthei an la din tir zel rih tih an sawi a. Mizoram sawrkar leh NHIDCL-in kawng siamna hmanrua an chhekkhawl tana an hriat thu sawiin, a hmun ngeiah hna thawh a ni em tih an enfiah hnu ah chauh an kal zel dan tur an la ngaihtuah dawn tih an sawi a ni.