Bukpui tlangdunga damdawi in
hmunhma minister-in a enpui
Health &Family Welfare minister Lalrinpuii chuan Bukpui Primary Health Center leh Serkhan, Lungmuat, Nisapui leh North Chaltlang Health and Wellness Centre-te a tlawh.
H&FW minister chuan Bukpui PHC-in damdawi in fai leh changtlung lama titha, Kayakalp-a lawmman pakhatna an dawn leh NQAS national an hmachhawn tawh chu a lawmawm a tih thu a sawi a. Heng hi a pawimawh rualin, damdawi in din chhan leh an rawngbawlna, damlo enkawl chu ngaihthah loa tha taka thawk turin a chah.
Bukpui damdawi in hi kum 1993-ah primary health centre-a hlankai a ni a. Kum 2023 leh 2024 khan Kayakalp ah pakhatna dawngin, tunah hian NQAS-ah endik an hmachhawn a, final result an nghak mek. Khum 10 a awm a, Bukpui chhehvel – Nisapui, North Chaltlang, Lungmuat leh Saipum atangin an pan ber. An PHC atang hian IPA leh healthcare bill hospital share atangin a thlawnin damdawi an sem chhuak thin bawk.
Minister hian Bukpui PHC a tlawh pah hian Serkhan, North Chaltlang, Nisapui leh Lungmuat Health & Welness Centre leh Bukpui Anganwadi leh Sub Centre tlawhin thawktuten an mamawh an lo thlen a. An thil mamawh tlangpui – building thawmthat leh hmanraw thenkhat chu ziaka thlen tura hrilhin a theih anga hma lakpui a tum tih a sawi
Bukpui tlangdunga damdawi in hmunhma minister-in a enpui
Get real time updates directly on you device, subscribe now.