Bulls an chak phawt

Ningani zing khan NBA play-off khel tur zawnna ‘Play-in’ khelh chhunzawm a ni a. Chicago Bulls leh Oklahoma City Thunder ten hnehna changin, play-off khelh phak an bei-seiawm leh zual.
Eastern conference-ah 9-na Chigaco Bulls hian an hnuai chiaha awm Toronto Raptors lakah bul an tan tha lova, quarter hmasa pahnihah hnufual zawk an ni ve ve. Point 11 a hnufuak zawk chungin chawlhlawk hmang mah se, chawlhlawk hnu lamah an insiamtha a, an khingpuite an lehthal. Quarter hnuhnung pahnihah chungnung zawkah tang ve vein Bulls hian point 109-105 in Toronto Raptors an lehthal a, play-in game khatnaah hnehna an chang.
Raptors an hneh tum hian Bulls tan Zach LaVine chuan point 39 a thawkchhuak a, a chetha hle.
Ningani zinga inkhel dangah Western Conference-a pakuana Oklahama City Thunder chuan point 123-118 in New Orlean Pelicans an hneh ve bawk. Pelicans an hneh tum hian Thunder tan Josh Giddey chuan point 31 a thawkchhuak a, ball sawhlet vawi 10 a dawn bakah assist vawi kua a nei bawk.
Play-in a chak Bulls leh Thunder te hian Inrinni zing hian play-off khel tur zawnna hnuhnung an hmachhawn zui leh dawn a. An chak ve ve a nih chuan Bulls hian Miami Heat an hmachhawn leh ang a, an chak a nih chuan play-off first round ah Eastern conference hmahruaitu Milwaukee Bucks an hmachhawn ang a. Thunder hian Minnesota Timber-wolves an hneh a nih chuan regular season a Western Conference champion Denver Nuggets an hmachhawn ve thung ang.