Bungraw phur rit lirthei phurh theih chin enfiah dan ngaihtuah

Sairang leh Kawnpui inkar national highway kawng chhia siamthat meka a viltu tur bera sawrkarin a ruat MLA TBC Lalvenchhunga chuan bungraw phur lirthei lian zingah an phurh theih chin aia rit phur an awm thin a, hemi tih reh dan hi sawrkarin a ngaihtuah mek tih a sawi.
Sairang leh Kawnpui inkar kawng thawmthat hna hi a zualpui zawh a nih hnu ah bungraw phur lirthei lianin an zawh nasa a, ruah ala tla bawk nen, lirthei tana kal harsa khawpa awm thenkhat a awm leh thin tih sawi a ni a. Lirthei intlan chhawk dan tur pawh la ruahman reng a ni.
He kawngpui vil tura sawrkarin a ruat adviser to CM TBC Lalvenchhunga sawi danin, kawng tha rei turin bungraw phur lirtheiten an phurh theih chin aia rit an phur tawh lohnan sawrkarin ngaihtuahna a hmang mek a. Kawng chhiat chhan hi ruahsur vang a nih rualin, bungraw phur lirtheiten an phurh theih chin aia rit an phurh thin vang a ni tih a sawi, Hetiang a thlen tawh lohnan lirtheiin an phurh phal chin hi khauh zawka kalpui a ngai, tiin, Ministry of Road Transport & Highways leh Supreme Court-in kenkawh tur a tih ang chu mi state pawhin an kalpui a, Mizoram pawhin a kalpui a ngai tih a sawi a ni.