Bur tauh hawng tam thei record siam

Karachi, Pakistan a cheng Muhammad Rashid chuan second 30 chhungin thil in tur aluminium bur (drink cans) 39 a lu-in a tauh hawng hman a, Guinness World Record a siam.
Rashid hian bur-te chu dawhkanah a bur tlu zawngin a tlar dal mai a, chu chu a hmatiamin a chalin na tawkin a indawtin a tauh phei ta mawlh mawlh mai a, record siam tur chuan bur chu tauh sawih ringawt a tawk lo a, a inhawng ngei tur a ni a, hei vang hian na ve tawk taka tauh zel a ngai a ni.
Rashid hi GWR-ah a mikhual tawh bik lo va, martial arts lamah record te pawh a lo siam tawh a, nikum February thla khan minute khat chhungin hetiang in tur bur tho hi 58 a tauh për hman a, record a lo siam tawh bawk.