Burma leh Bangladesh raltlan lut

Tunhnaiah Burma leh Bangladesh atangin Mizoramah raltlan an luh belh tih sawi a ni.
Thudawn danin, May 10 zing leh chawhnu lam khan Bangladesh Chittagong Hill Tracts atangin an sahimna zawng mi 127 chuan Lawngtlai district-ah an tlanlut a, khaw 6 vel an bel a ni.
Chittagong Hill Tracts-ah hian Kuki-Chin National Army chuan thuneihna sang zawk an ngiat avangin Bangladesh sawrkar sipai nen hun rei tak chhung an buai tawh a, heng lai hmuna cheng Zohnahthlak, Bawm hnam chuan an sahimna zawngin Lawngtlai district-ah engemawzat an lut tawh a, tunhnaiah lut thar an awm lo reng hnu ah Zirtawpni zing dar 2.00 vel khan chhungkua 18, mi 124 chu an rawn tlanchhe ve leh a, chawhnu lama chhungkaw khat luh belh leh nen an vaiin mi 127 an rawn tlanlut a ni.
Hetihlai hian tunhnaiah Burma rama buaina kal zelah Chin state huamchhunga cheng, Arakan Army-in an sipaia tan luih tir an tum, Zohnahthlak mi 95 chu Mizoramah an rawn tlanchhia a. A tam zawk hi Lawngtlai district atanga lut niin, Khawzawl district atanga lut tlem an awm bawk tih sawi a ni.